Komo puedesh ayudar kon Kantoniko: eskrive egzempios!
En mi chikez kuando tenia ke ambezarme linguas yo provi ambezarme palavras. Esto fue orivle.
Es muncho mas kolay ambezarse una lingua en konteksto. Ver palavras en konteksto de una fraza o una istoria.
Para una persona prinsipiante meldar un teksto: un livro o un artikolo en El Amaneser, Aki Yerushalayim o afilu los mesajes en Ladinokomunita, puede ser muy difisil. En estos tekstos ay tan munchas palavras muevas para una persona prinsipiante en ladino.
Por esto kero tener munchos egzempios, frazas i tambien tekstos mas largas en Kantoniko.
En esta pajina puedesh ver todas las palavras ke tenemos en Kantoniko. Al lado de kada palavra puedesh ver el numero de egzempios ke ya tenemos. Si klikash sovre la palavra puedesh ver los egzempios.
Komo puedesh ayudar?
Eskrive egzempios kon kada palavra i kon kada forma de la palavra. Kon kada kunjugasion de los verbos. Kon el singular i kon el plural de las palavras ke tienen los dos. Kon la version feminina i la version maskulina de las palavras.
Las palavras kon 0 egzempios son las importantes para adjustar egzempios.
Las frazas pueden ser eksplikasones de la palavra:
- Enero es el primer mez del anyo.
- En Evropa alhad es el dalkavo dia de la semana.
O pueden ser frazas jenerales:
- En la vida, todo es relativo i no ay nada de absoluto.
- En la avla de Rodes, no entran munchos biervos en fransez.
Es mijor tener la fraza en ladino i tambien en otra de las linguas komo aki ama si eskrives solo en ladino es ayuda tambien. Aki puedesh ver todos los egzempios ke ya tenemos.
Komo mandar los egzempios?
Penso ke mijor si mandas las fraza al adreso de Ladinokomunita. Esto puede dar la oportunidad a los moderadores korijar yerros i va a dar ideas muevas a la djente ke meldan los mesajes. En el sujeto de email eskrive: Kantoniko: una fraza mueva. Esto mos va a ayudar a Miriam Sherman i a mi (Gabor Szabo) ver estos mesajes.