Komo djugavamos? (Eskondete, Saklanbach)

Komo djugavamos?

Eskondete, Saklanbach:
Uno de los ijikos mete la mano en la pared, serra los ojos i konta asta el numero desidado.
Dospues avre los ojos i empesa a bushkar los amigos eskondidos.
En una versyon ya abasta a toparlo i tokarlo.
En otra versyon kale tornar a la pared i tokarla antes del otro.

Se dyo la kavesa en la pared.

Estamos Whatsapeando es un grupo de WhatsApp de Albert Israel, shefe del sirkolo de konservar i promover la kultura sefaradi.
Kada unos kuantos dias el manda un mesaje.
Aki puedes meldar i oir algunos mesajes.
Para registrar al grupo de WhatsApp, manda un mesaje a Gabor kon tu numero telefono, tu nombre, tu alkunya, i demanda resivir los mesajes de Albert. Yo vo a transmeter tu demanda a el.
Los mesajes se pueden ver tambien en Ladinokomunita.