Akel tyempo - Amigos buenos 50

Akel tyempo

בזמנים ההם

Amigos buenos 50

חברים טובים 50

Semana entera pasearon en Estanbol kon el ofisyel akompanyador.

.שבוע שלם טיילו באיסטנבול עם הקצין המלווה

Se fueron ande morava en su chikes, la kaza en la kaleja "Meşrutiyet Caddesi".

."הלכו למגוריו בילדות, הבית ב"רחוב משרוטיי

Dospues tomaron vaporiko a la isla Heybeliada.

.לאחר מכל לקחו (עלו) על אניה לאי חייבליאדה

La isla ke se ivan a kampanya kada enverano kon su famiya.

.האי שהיו הולכים כל קייץ עם משפחתו לקייט

El debarkader estava lo mizmo.

.הטיילת הייתה אותו דבר

Ma estava deziluzyonado de la mar.

.אך התאכזב מהים

"Komo se puede nadar en esta mar suzya?" disho.

.איך אפשר לשחות בים מלוכלך זה?" אמר"

Tornaron a Israel alegres i kontentes.

.חזרו לישראל שמחים ומרוצים

Ken de kaza fuye a kaza torna

.מי שבורח מהבית חוזר לבית

Estamos Whatsapeando es un grupo de WhatsApp de Albert Israel, shefe del sirkolo de konservar i promover la kultura sefaradi.
Kada unos kuantos dias el manda un mesaje.
Aki puedes meldar i oir algunos mesajes.
Para registrar al grupo de WhatsApp, manda un mesaje a Gabor kon tu numero telefono, tu nombre, tu alkunya, i demanda resivir los mesajes de Albert. Yo vo a transmeter tu demanda a el.
Los mesajes se pueden ver tambien en Ladinokomunita.