Espiones djudyos 12.
מרגלים יהודים 12.
Semyon enkontro a Julius. No era difisil de konvenserlo. Teniyan las mizmas ideas sovre el komunizmo i kontra el kapitalizmo. Julius aksepto a espiyonar. Avlo kon su mujer Ethel, i eya estava de akordo a ayudar.
סמיון פגש את יוליוס. לא היה קשה לשכנע אותו. היו להם אותן דעת על קומוניזם ונגד הקפיטליזם. יוליוס הסכים לרגל. דיבר עם אשתו אתל, גם היא הסכימה לעזור.
No solo esto, engajo Tambien a su kunyado David Greenglass, su kunyada Ruth Greenglass i sus amigos de los estudyos: Morton Sobell, Joel Barr, Alfred Sarant i William Perl. Todos eran djudyos, todos estavan en postos militares importantes (una parte de eyos en el projekto de Manhatten) i todos estavan prontos a espiyonar en favor de los rusos.
לא רק זה, גייס גם את גיסו דויד גרינגלס, גיסתו רות גרינגלס וחבריו ללימודים: מורטון סובל, ג'ו בר, אלפרד סרנט וויליאם פרל. כולם היו יהודים, כולם היו בתפקידים צבאיים חשובים (חלקם בפרויקט מנהטן) וכולם היו מוכנים לרגל לטובת הרוסים.
