Akel tyempo - No tuvo mazal 5

Akel tyempo.

בזמנים ההם.

No tuvo mazal 5.

לא היה לו מזל 5.

Jules Rimet Era entre los fondadores de FIFA en 1904 i el prezidente tresero de esta federasyon.

ג'ול רימה היה בין המייסדים של פיפא ב- 1904 והנשיא השלישי של פדרציה זו.

Desde 1921 asta 1954 (33 anyos) fue el prezidente de FIFA.

בין 1921 ועד 1954 (33 שנה) היה הנשיא של פיפא.

Asta oy, el era el prezidente ke detenyo este posto por el mas largo tyempo.

עד היום, הוא היה הנשיא שהחזיק במשרה זו הכי הרבה זמן.

Mas de esto, desde 1919 asta 1942 i desde 1944 asta 1949 (en total 26 anyos) fue el prezidente de la Federasyon Franseza de Futbol.

יתר על כן, בין 1919 עד 1942 ובין 1944 עד 1949 (בסה"כ 26 שנה) היה הנשיא של הפדרציה הצרפתית לכדורגל.

Rimet kreyo en los valores de umanidad i igualidad. Era kontra el rasismo i en favor de la paz.

רימה האמין בערכים של הומניות ושוויון. היה נגד הגזענות ובעד שלום.

Pasensya es paz i sensya.

סבלנות היא שלום וחוכמה.

Estamos Whatsapeando es un grupo de WhatsApp de Albert Israel, shefe del sirkolo de konservar i promover la kultura sefaradi.
Kada unos kuantos dias el manda un mesaje.
Aki puedes meldar i oir algunos mesajes.
Para registrar al grupo de WhatsApp, manda un mesaje a Gabor kon tu numero telefono, tu nombre, tu alkunya, i demanda resivir los mesajes de Albert. Yo vo a transmeter tu demanda a el.
Los mesajes se pueden ver tambien en Ladinokomunita.