Arivavan a los kazales de los djudyos proves, djudyos ke travaron yesurim de pogromes i ke teniyan famiyas grandes en mizerya. Publikavan anunsyos ke estan bushkando mansevas por un avenir bueno en Estanbol/Buenos Aires. Eksplikavan a los padres ke las mansevas van a lavorar en kazas de djudyos rikos i ke van a topar mazal bueno para kazar. I ke eyos Tambien estan prontos a kazarsen kon unas de eyas.
היו מגיעים לעיירות של יהודים עניים, יהודים שסבלו יסורים מהפוגרומים ושהייתה להם משפחה גדולה במחסור. היו מפרסמים מודעות שהם מחפשים צעירות לעתיד טוב באיסטנבול/בואנוס איירס. היו מסבירים לאבות שהצעירות יעבדו בבתים של יהודים עשירים ושיימצאו מזל (שידוך) טוב בכדי להתחתן. ושגם הם מוכנים להתחתן עם אחדות מהן.
Akel tyempo los padres kazavan a las ijas de 13-16 anyos. Por esto se konvensiyan i permetiyan ke sus ijas salgan a viajar.
באותם זמנים האבות היו מחתנים את הבנות בגילאי 13-16. לכן היו משתכנעים ומרשים לבנותיהם לנסוע.
