Akel tyempo - No tuvo mazal 18

Akel tyempo.
בזמנים ההם.
No tuvo mazal 18.
לא היה לו מזל 18.
En 1958 i en 1962 gano Brezil los djugos de Mondial.
ב- 1958 וב- 1962 ברזיל ניצחה את משחקי מונדיאל.
La seleksyon de Brezil dirijada por Edson Arantes do Nascimento, yamado Pele, prezento un futbol ke no se aviya visto asta akeyos dias.
נבחרת ברזיל מנוהלת על ידי אדסון ארנטס דו נסימיינטו, הקרוי פלה, הציגה פוטבול שלא נראה עד לאותם ימים.
El mundo kedo kon la boka avyerta.
העולם נשאר עם פה פעור.
La Kopa de Rimet paso a Brezil.
הגביע עבר לברזיל.
Malorozamente en estos torneos no se avlo nada en la memorya de Jules Rimet ke muryo en 1956.
למצער, בטורנירים אלה לא דובר מאומה לזכרו של ג'ול רימה שנפטר ב- 1956.
No kere dizir ke agora la tansyon de los djugos de Mondial pujo muncho mas.
אין צורך לומר שעכשיו המתח של משחקי המונדיאל עלה הרבה יותר.
Agora aviyan tres seleksyones kon dos ganamyentos de mondial (Uruguay, Italya, Brezil).
עכשיו היו 3 נבחרות עם 2 זכיות של מונדיאל (אורוגואי, איטליה, ברזיל).
Ken va tomar la Kopa de Rimet por syempre??
מי ייקח את גביע רימה לתמיד??
Ke te alaven ajenos i no tu boka.
שיהללו אותך זרים ולא פיך.
⬅️ ⬆️ ➡️
2025.05.15 En Ladinokomunita
Estamos Whatsapeando es un grupo de WhatsApp de Albert Israel, shefe del sirkolo de konservar i promover la kultura sefaradi.
Kada unos kuantos dias el manda un mesaje.
Aki puedes meldar i oir algunos mesajes.
Para registrar al grupo de WhatsApp, manda un mesaje a Gabor kon tu numero telefono, tu nombre, tu alkunya, i demanda resivir los mesajes de Albert. Yo vo a transmeter tu demanda a el.
Los mesajes se pueden ver tambien en Ladinokomunita.