Salú Lulú - 2. Komo se yama? - 15

Mi profesora de kastilyano se yama Laura.
Laura es de Salamanka, ama avla inglez muy bien.
Laura avla inglez muy bien porke estudia inglez en la Universita.
Yo avlo inglez muy bien porke so inglez.
Yo moro en Madrid, ama mi famiya mora en Newcastle.

Mi ermana se yama Sara, esta kazada i tiene dos ijos chikos.
Su marido es avokato i lavora en un banko.
Mi ermana es enfermera i lavora en un ospital.

Mis dos sovrinos son muy chikos.
Phillips tiene solo dos anyos i Bella tiene solo sesh mezes.

El marido de mi ermana se yama Martin i no avla kastilyano.
Solo avla inglez ama avla inglez muy bien.
Es normal: Martin avla inglez muy bien porke es inglez.

Mi ermano se yama Robert i tiene vente i tres (23) anyos.
Robert ni estudia ni lavora.
Mi padre dize ke Robert es muy haragan.
Mi madre dize ke Robert es muy ermozo.
Yo kreo ke mi ermano es muy ermozo, ama tambien muy haragan.

Robert no esta kazado, ama tiene amiga.
Tiene munchas amigas.
Este anyo su amiga se yama Serena i tambien es ingleza, de Newcastle.
Serena dize ke mi ermano Robert es muy ermozo ama ke yo so muy feo.
Serena no es simpatika.

La amiga de mi ermano tiene una ermana ke se yama Anna.
Anna es muy djoven: tiene diez i mueve (19) anyos.
Anna tambien dize ke Robert es muy ermozo ama ke yo so muy feo.
Serena no es simpatika i su ermana tambien no es simpatika.
Ni Anna ni su ermana Serena son muy simpatikas.

Este livro es una traduksion djudeo-espanyola del livro orijinal de Hola Lola de Juan Fernandez. Reservados todos los derechos.