Akel tyempo - Amigos buenos 16

Akel tyempo

בזמנים ההם

Amigos buenos 16

חברים טובים 16

Zeev Glauber termino la eskola en 1966 kon reushita i se fue al asker.

.זאב גלאובר סיים את בית הספר ב1966 בהצלחה והלך לצבא

Lo metyeron en una nave chika de guardia para protejar los bodres de la mar en el lago de kineret.

.שמו אותו על ספינת משמר קטנה בכדי לשמור על חופי אגם הכינרת

En el bodre norteste del lago estavan los siryanos.

.בחוף צפון מזרח של האגם היו הסורים

En ogusto 1966 la nave de Zeev enkayo sovre pyedras i no se pudo meneyar.

.באוגוסט 1966 הספינה של זאב עלה על סרטון של אבנים ולא יכלה לזוז

Los siryanos empesaron a tirar i bombardeyar la nave por tres direksyones

.הסורים התחילו לירות ולהפגיז את הספינה משלושה כיוונים

Dospues de syerto tyempo vinyeron i 4 aviyones siryanos, MIG, para bombardeyar mas.

.לאחר זמן מסויים הגיעו גם 4 מטוסים סוריים, מיג, בכדי להפגיז עוד יותר

Si tu sos ajo, yo so pyedra ke te majo.

.אם אתה שום, אני אבן שיכתוש אותך

Estamos Whatsapeando es un grupo de WhatsApp de Albert Israel, shefe del sirkolo de konservar i promover la kultura sefaradi.
Kada unos kuantos dias el manda un mesaje.
Aki puedes meldar i oir algunos mesajes.
Para registrar al grupo de WhatsApp, manda un mesaje a Gabor kon tu numero telefono, tu nombre, tu alkunya, i demanda resivir los mesajes de Albert. Yo vo a transmeter tu demanda a el.
Los mesajes se pueden ver tambien en Ladinokomunita.