Oy es lunes.
Los lunes, Laura siempre ariva tadre a la klasa de kastilyano.
Laura es la profesora!
Deke ariva siempre tadre Laura? No se.
Laura avla inglez muy bien. Laura avla inglez muy bien porke estudia inglez en la universita.
Laura avla inglez en la klasa de kastilyano. Laura es profesora de kastilyano i avla inglez en la klasa de kastilyano.
Kuando eskapa la klasa, Laura tambian avla kon mi en inglez.
Yo no kero avlar inglez kon Laura!
Yo estudio kastilyano!
Oy es mierkoles. Amanyana es djueves. Amanyana djueves no ay klasa de kastilyano.
Ay klasa de kastilyano los lunes, los martes i los mierkoles.
El proksimo lunes vo avlar kon Laura. Vo a dizir esto:
"Por favor, Laura, puedes avlar en kastilyano kon mozotros?
Mozotros estamos en Madrid para ambezarmos kastilyano.
Mozotros keremos avlar kastilyano.
Tu sos muestra profesora de kastilyano.
Puedes avlar en kastilyano kon mozotros, por favor?"
Yo so timido. Yo so inglez. Ama vo a avlar kon Laura.
Amanyana djueves no ay klasa de kastilyano. La proksima klasa de kastilyano es el lunes.
Vo a avlar kon mi profesora de kastilyano el lunes.
Salú Lulú - 4. Ande moras? - 29
Este livro es una traduksion djudeo-espanyola del livro orijinal de Hola Lola de Juan Fernandez. Reservados todos los derechos.