Oy es djueves. Oy no ay klasa de kastilyano.
Kon ken puedo avlar kastilyano oy?
No puedo avlar kastilyano ni kon Fernando ni kon Julio.
Eyos no tienen tiempo para avlar kon mi.
Estudian siempre.
Van a la universita por la demanyana i por la tadre estudian en sus dormitorios.
Yo kero avlar kastilyano kon eyos, ama eyos no keren avlar kastilyano kon mi.
Fernando i Julio no salen muncho a la kaye.
Kaji nunka van a bever.
Tambien no van al sinema ni al teatro, ni ven la televizyon.
Fernando i Julio son muy seriozos i un poko enfasiozos.
Son intelijentes ama enfasiozos.
No son divertientes.
Solo salen de sus dormitorios para gizar en la kuzina.
Gizan i komen en la kuzina i despues tornan a sus dormitorios para estudiar.
Estudian muncho.
Son muy enfasiozos.
No tienen tiempo para avlar kon mi.
Yo kero saver si Fernando toka la gitara o baila flamenko.
Yo demando: "Fernando, tu tanyes la gitara?"
Fernando dize: "Kualo?"
Yo digo: "Tanyes la gitara?"
Fernando avre muncho los ojos i la boka, ama no dize nada.
Sodro es Fernando? No se.
Entonses, yo avlo mas agritando:
"Tanyes la gitara?"
Fernando dize: "Noteentiendo!"
Ama yo no entiendo a Fernando. El avla muy presto. No se ke dize.
Mas tadre avlo kon Julio.
Yo demando: "Julio, tu bailas flamenko? Tanyes la gitara?"
Julio dize: "Ke?"
Yo digo: "Tanyes la gitara? Bailas flamenko?"
Komo Fernando, Julio tambien avre muncho los ojos i la boka, ama tambien no dize nada.
Esta sodro Julio? No se.
Entonses, yo avlo mas agritando:
"Tanyes la gitara?"
"Bailas flamenko?"
Julio dize: "Nogriteskenoestosodro!"
Ama yo no entiendo a Julio.
No entiendo a Fernando i tambien no entiendo a Julio.
Los dos avlan muy presto.
Mas tadre vo al bar de Rosa. Ay munchos klientes en el bar de Rosa.
Ay munchos klientes i tambien ay muncho bruido.
Simpre ay muncho bruido en el bar de Rosa.
En el bar de Rosa ay muncho bruido porke los klientes azen muncho bruido.
Ama yo kero avlar kon Rosa en kastilyano.
Yo digo: "Rosa, ande puedo embezarme a tokar la gitara? Yo kero tokar la gitara kon pasion, komo un zingano espanyol. Ole, ole!"
Rosa dize: "Dejameenpazpezgado!"
Ama no entiendo a Rosa porke eya avla muy presto.
Yo kero avlar kon Rosa, ama eya no kere avlar kon mi. Es normal. Eya lavora. Eya lavora muncho.
En el bar siempre ay munchos klientes. No tiene tiempo para avlar kon mi. Rosa no puede avlar kon mi.
Rosa no puede o no kere avlar kon mi?
Rosa es morena, ermoza, serioza, dura, laborioza, muy pasional, i un poko kruel kon mi.
Me plaze.
Rosa es muy espanyola.
Baila flamenko Rosa? No se.
Tiene amigo Rosa? No se.
Ama oy es djueves i los djueves no ay klasa de kastilyano. Kon ke puedo avlar kastilyano oy?
Oy vo avlar kastilyano kon Lulú. Si, kon la mansevika blonda ke mora kon mi.
Lulú eskapa de lavorar muy tadre. Es una garsona en un restorante. Los espanyoles senan muy tadre.
En Ingletierra senamos muy temprano, a las siete o siete i media de la tadre, mas o manko; ama los espanyoles
senan muy tadre. Los espanyoles senan a las mueve, o a las diez de la noche.
A mi no me plaze senar tadre.
Yo so inglez.
Oy es djueves. Oy por la noche vo a avlar kastilyano kon Lulú.
Salú Lulú - 4. Ande moras? - 30
Este livro es una traduksion djudeo-espanyola del livro orijinal de Hola Lola de Juan Fernandez. Reservados todos los derechos.