Oy en la klasa de kastilyano avlo kon Marie.
Marie es franseza.
Marie es ermoza, morena, ni muy alta ni muy basha. Tiene la kaveyera en bukles i los ojos marones.
Marie estudia indjeneria aeronautika en la universita de Paris.
A Marie le plazen muncho las matematikas.
Es simpatika, ama un poko serioza.
Kuando avlo kon Marie, eya nunka sonrie.
Oy avlo kon Marie en la klasa de kastilyano.
Yo: "Sos de Paris, Marie?"
Marie: "Si, so de Paris."
Yo: "Ke te plaze mas, Paris o Madrid?"
Marie: "Paris. Paris es la mijor sivdad de Evropa i del mundo."
Yo: "No te plaze Madrid? No te plaze Barcelona? No te plaze Londra?"
Marie: "No, no me plaze Madrid. Tambien no me plaze Barcelona. Yo odio Londra. A mi me plaze Paris."
Marie es simpatika, ama un poko serioza. Nunka sonrie kuando avla kon mi.
Despues de avlar kon mi, Marie avla kon Eduardo. Eduardo i Marie avlan en la klasa de kastilyano:
Eduardo: "Salu"
Marie: "Salu Edoardo, komo estas? Sos italiano, verdad? A mi me agrada la Italia. Mi sivdad favorita es Roma. Me agrada Roma!
Me enamora la kuzina italiana! Me plaze todo de Italia: la kuzina, la kultura, la sinema, las sivdades, el arte, la vestimentas..."
Eduardo: "Te plazen los ombres italianos?"
Marie: "Me plaze TODO de la Italia!"
Marie as un poko serioza, ama solo kon mi. Kuando avla kon Eduardo, Marie no es serioza.
Marie siempre sonrie kuando avla kon Eduardo, ama eya nunka sonrie kuando avla kon mi.
Kreo ke a Marie le plaze Eduardo.
Eduardo es italiano, ermozo, simpatiko, alegre, i siempre yeva vestimentas elegantes.
Yo so inglez, feo, timido, i nunka yevo vestimentas elegantes.
Yo odio a Edoardo.
Salú Lulú - 5. Deke estudias kastilyano? - 35
Este livro es una traduksion djudeo-espanyola del livro orijinal de Hola Lola de Juan Fernandez. Reservados todos los derechos.