Me plaze avlar kastilyano kon Laura, mi profesora de kastilyano, ama eya normalmente avla en inglez kon mozotros en la klasa.
Me plaze avlar kastilyano kon Rosa, la garsona del bar ke ay serka de mi apartamento, ama eya normalmente no tiene tiempo de avlar kon mi.
Esta siempre muy okupada.
Fernando i Julio, mis kompanyeros de apartamento, tambien no tienen tiempo de avlar kon mi. Estan siempre muy okupados kon sus estudios.
Tambien me plaze avlar kastilyano kon Lulu.
Lulu es una manseva espanyola. Eya es de una sivdad ke se yama Lugo.
Yo no se ande esta Lugo. Yo no se komo es Lugo. Lulu dize ke Lugo es una sivdad muy bonita.
Yo: "Ke te plaze mas, Lulu? Lugo o Madrid?"
Lulu: "Me plaze Lugo porke en Lugo mora mi famiya, ama es una sivdad chika, trankila, i a mi me plazen las sivdades grandes i bruidozas komo Madrid.
Madrid es una sivdad muy divertida. Ay munchos sinemas, teatros, muzeos..."
Yo: "Si, ama yo no puedo ir al sinema, ni al teatro porke no tengo munchas paras. Madid es una sivdad muy kara."
Lulu: "Tienes razon. Madrid es una sivdad muy kara."
Yo: "Madrid es una sivdad bruidoza i kara. Madrid es komo Serena, la amiga de mi ermano: bruidoza i kara."
Lulu se rie, ama no se porke se rie.
Lulu es una manseva muy intelijente, i laborioza: por la demanyana estudia en la universita i por la noche lavora en un restaurante.
La fin de semana, a Lulu le plaze ir al teatro, al sinema i tambien le plaze meldar.
Salú Lulú - 5. Deke estudias kastilyano? - 34
Este livro es una traduksion djudeo-espanyola del livro orijinal de Hola Lola de Juan Fernandez. Reservados todos los derechos.