Despues de lavarme los dientes por sekunda vez, me ducho i me afeito.
A vezes me afeito i me ducho, ama normalmente me ducho i me afeito, en este orden:
primero me ducho i luego me afeito. Es normal?
Eso espero.
Despues vo a mi dormitorio, me visto i preparo la mochila.
En la mochila pongo los livros de kastilyano, un diksionaryo, i dos kuadernos.
Tambien pongo un boligarafo blu i un boligrafo kolorado, un lapiz, un sakapuntas, i una goma.
A las ocho i media salgo de la kaza i vo a la klasa de kastilyano.
Siempre vo a pie porke moro muy serka de la eskola.
Tardo solo diez minutos en yegar.
A menudo yego a las mueve menos sinko.
A las mueve menos sinko en la klasa solo estan Rosita i Yoko.
Kero avlar kon eyas en kastilyano, ama a eyas no les plaze avlar kon mi en kastilyano:
eyas keren avlar en inglez kon mi.
Primero avlo kon Rosita. Rosita es kazi tan aedada komo mi gran-mama.
Yo siempre avlo a Rosite de "usted".
Yo: "Rosita keres ambezarte inglez kon mi? Yo puedo ser tu profesor."
Rosita: "Yo ya avlo inglez. Yo avlo inglez muy bien."
Rosita tiene razon. Eya ya avla inglez muy bien.
Luego avlo kon Yoko.
Yo: "Yoko, keres ambezarte inglez kon mi? Yo puedo ser tu profesor de inglez."
Yoko: "Mersi, ama yo esto en Espanya para ambezarme kastilyano. No tengo tiempo.
No puedo estudiar dos linguas al mizmo tiempo. Primero kastilyano, luego inglez.
Agora kero estudiar kastilyano. No tengo tiempo para estudiar inglez agora."
Yoko tiene razon. Estudiar dos linguas al mizmo tiempo es muy difisil.
Salú Lulú - 6. Ke te plaze? - 42
Este livro es una traduksion djudeo-espanyola del livro orijinal de Hola Lola de Juan Fernandez. Reservados todos los derechos.