Me agrada muy muncho morar en Madrid, ama mi vida aki es un poko enfasiozo.
De lunes a viernes normalmente me levanto muy temprano: a las 7 de la demanyana, mas o manko.
Primero vo al kuarto de banyo i me lavo los dientes.
Siempre me lavo los dientes antes de desayunar.
Por ke?
No esto seguro.
Mis parientes se lavan los dientes antes de desayunar i yo tambien.
Luego vo a kozina i desayuno.
siempre desayuno kafe kon leche.
En Ingletierra yo bevo chay, ama en Espanya normalmente bevo kafe kon leche.
Los inglezes beven chay i los espanyoles kafe.
Por ke?
No se, no esto seguro.
El kafe en Espanya es muy bueno, ama el chay es orivle.
El kafe en Ingletierra es orivle, ama el chay esta muy bueno.
Los espanyoles saven azer kafe, ama no saven azer chay. Por ke? No lo se.
Los inglezes saven azer chay, ama no saven azer kafe. Por ke? Tambien no lo se.
Tambien komo biskotelas, biskotelas de chokolata.
Kada diya desayuno kafe kon leche i biskotelas de chokolata.
Algunos dias komo tostadas.
A vezes komo tostadas de manteka, ama otras vezes komo tostadas de tomate o de azeite.
Me agradan muy muncho las tostadas de tomate kon azeite de oliva.
En Ingletierra yo desayuno chay i sereales kon leche, ama en Espanya desayuno kafe kon leche kon biskotelas de chokolata
i tostadas de azeite o de tomate. A vezes desayuno churros kon chokolata!
Si, los alhades a vezes desayuno churros kon chokolata. Rikos, rikos, rikos!
Despues de desayunar vo al kuarto de banyo i me lavo los dientes otra vez.
Por la demanyana me lavo los dientes dos vezes: antes i despues de desayunar.
Es normal?
No se, no esto seguro.
Salú Lulú - 6. Ke te plaze? - 41
Este livro es una traduksion djudeo-espanyola del livro orijinal de Hola Lola de Juan Fernandez. Reservados todos los derechos.