Salú Lulú - 6. Ke te plaze?

Kero ser profesor de inglez. Yo so inglez. Yo avlo inglez muy bien porke so inglez.
Puedo ser profesor de inglez en Madrid? Si, por ke no?

Problema: nesesito estudiantes. Nesesiot estudiantes de inglez.
Oy avlo kon Fernando i kon Julio. Fernando i Julio son espanyoles i no avlan bien inglez.

Primero avlo kon Fernando. Fernando es muy seriozo i laboriozo. Estudia munchas oras.
Por la demanyana va a la universita i por la tadre estudia en la biblioteka de la universita.
Luego, kuando vuelve a kaza, estudia en su dormitorio. Fernando estudia muncho.
Fernando estudia ekonomia en la universita porke kere lavorar en un banko.
Su padre lavora en un banko.
Su madre tambien lavora en un banko.
Sus ermanos tambien lavoran en un banko i el kere lavorar en un banko. Ke enfasiado!

Yo: "Fernando, tu avlas inglez?"
Fernando: "Ke?"
Yo: "Avlas inglez?"
Fernando: "Ke?"

Esta sodro Fernando? No se.

Avlas inglez?

Fernando: "No esto sodro! Tu pronunsiasion de kastilyano no es buena. To oyigo, ama no te entiendo.
Kuando tu avlas en kastilyano, yo no te entiendo. Ama no esto sodro."
Yo: "Ah, vale, perdona, Fernando! To avlas inglez?"
Fernando: "Yo? Inglez? Si, bueno, no, en realidad no. Avlo un poko de inglez, ama no avlo muy bien. Por ke?"
Yo: "Keres ambezarte inglez?"
Fernando: "Si, klaro."
Yo: "Keres ambezarte inglez kon mi? Yo puedo ser tu profesor de inglez!"
Fernando: "Ke?"
Yo: "Si keres ambezarte inglez, yo puedo ..."
Fernando: "Ah, entiendo, entiendo...Entiendo ke keres dizir."
Yo: "... ser tu profesor de inglez...yo puedo ser tu profesor de..."
Fernando: "Mersi muncho, Willy, entiendo, entiendo, ama agora no puedo, no puedo, de verdad.
No tengo tiempo. Estudio muncho en la universita."

Luego avlo kon Julio. Julio tambien estudia en la universita. Julio estudi derecho porke kere ser
avogado. Su padre es avogado, su madre es avogada, sus ermanos son avogados i el kere ser avogado.
Ke enfasiado!

Yo: "Julio, tu avlas inglez?"
Julio: "Ke?"
Yo: "Avlas inglez?"
Julio: "Ke?"

Esta sodro Julio? No se.

Avlas inglez?

Julio: "No esto sodro! Tu pronunsasion en kastilyano no es buena. To oigo, ama no te entiendo.
Kuando tu avlas en kastilyano, yo no te entiendo. Ama no esto sodro."
Yo: "Ah, vale, perdona, Julio! Tu avlas inglez?"
Julio: "Yo? Inglez? Si, bueno, no, en realidad no. Avlo un poko de inglez, ama no avlo muy bien. Por ke?"
Yo: "Keres ambezarte inglez?"
Julio: "Si, klaro."
Yo: "Keres ambezarte inglez kon mi? Yo puedo ser tu profesor de inglez."
Julio: "Ke?"
Yo: "Si keres avlar en inglez, yo puedo..."
Julio: "Si, si, si, si, si, yo avlo inglez, yo avlo inglez. No! Bueno, no en realidad no. Avlo un poko
de inglez, ama no muncho. No avlo muy bien"
Yo: "Keres ambezarte inglez?"
Julio: "Ke?"
Yo: "Keres ambezerte inglez kon mi? Yo puedo ser tu profesor de inglez."
Julio: "Si, si, si, si, si. Komo? Tu? Mi profesor? No!, No mersi, agora no puedo. No tengo tiempo.
Estudio muncho en la universita."

Fernando no avla inglez in Julio tambien no. Fernando no kere estudiar kon mi i Julio tambien no.
Nadie kere estudiar kon mi. Komo puedo ser profesor de inglez si no tengo estudiantes de inglez?
Komo puedo enkontrar estudiantes de inglez?

Lulu: "Puedes demandar a tus kompanyeros de tu klasa de kastilyano si keren estudiar inglez kon ti?"

Lulu tiene razon. Lulu siempre tiene razon. Lulu es intelijente. Lulu siempre tiene buenas ideas. Me plaze Lulu.

Ama ay un problema: Lulu es blonda i no baila flamenko. A mi me plazen las mansevas espanyoles de verdad,
las mansevas morenas, ke tienen kaveyos largos i bailan flamenko.

Salú Lulú - 6. Ke te plaze? - 40