Oy es mierkoles.
Amanyana es djueves.
Los djueves no ay klasa de kastilyano.
Los mierkoles por la noche vo al bar.
Ay un bar serka de mi apartamento.
Los mierkoles por la noche vo al bar ke ay serka de mi apartamento.
La garsona del bar se yama Rosa.
Rosa lavora muncho.
Rosa es un poko serioza.
Yo a vezes avlo kon Rosa.
Rosa es serioza i ermoza. Yo so feo, timido, i inglez.
Ama yo kero avlar kastilyano kon Rosa.
Yo kero pratikar kastilyano kon eya.
Kada dia vo al bar de Rosa.
Algunos dias vo dos o tres vezes al bar de Rosa: vo por la demanyana para bever un kafe kon leche,
vo al mediodia para bever un kafe solo i vo por la noche para bever un kafe kortado.
Yo kero ambezarme kastilyano i kon Rosa puedo pratikar.
A mi me plaze el flamenko. Yo kero saver si Rosa baila flamenko:
Yo demando: Rosa, tu bailas flamenko? Yo kero ambezarme a bailar flamenko i tokar la gitara. Ole!
Rosa dize: Deshameenpaz! ama yo no entiendo a Rosa. Eya avla muy presto.
Yo kero avlar kon Roza ama eya no kere avlar kon mi. Es normal. Eya lavora.
Eya lavora muncho. En el bar siempre ay munchos klientes.
No tiene tiempo para avlar kon mi. Rosa no puede avlar kon mi.
Rosa no puede o no kere avlar kon mi?
No se.
Ama yo kero ambezarme kastilyano i vo todos los dias al bar de Rosa para avlar kon eya.
Yo kero merkar una gitara espanyola.
Yo demando "Perdona Rosa, ande puedo merkar una gitara espanyola barata? Kero ambezarme a tokar la gitara."
Rosa dize: "Deshameenpazpezgado!" ama yo no entiendo a Rosa. Eya avla muy presto.
Yo no entiendo a Rosa porke eya avla kastilyano muy presto.
Rosa baila flamenko? No se.
Ande puedo merkar una gitara espanyola? No se.
Rosa tiene amigo? No se.
Salú Lulú - 4. Ande moras? - 27
Este livro es una traduksion djudeo-espanyola del livro orijinal de Hola Lola de Juan Fernandez. Reservados todos los derechos.