Laura dize ke ay munchas livrerias en el sentro de Madrid.
Amanyana vo a ir a una livreria.
Kero merkar un livro.
Kero meldar en kastilyano.
Kero merkar un livro moderno i kief.
Los livros ke ay en la biblioteka de la eskola son muy enfasiozos.
Muy viejos i enfasiozos.
Komo mis padres.
Mis padres tambien son viejos i enfasiozos.
Este es mi plan para ambezarme kastilyano:
1. Los lunes, los martes, i los mierkoles por la manyana vo a ir a la klasa de kastilyano.
Vo a ir a la klasa de kastilyano de las mueve a las dodje.
2. Los djueves i los viernes no ay klasa de kastilyano, ama vo a ir a la biblioteka de la eskola.
En la biblioteka vo a meldar livros viejos i enfasiozos.
3. A la tadre vo a avlar en kastilyano kon mis amigos en el apartamento.
Yo moro kon Lulu, Fernando, i Julio.
Lulu es espanyola, de una sivdad ke se yama Lugo.
Komo es Lugo? Ande esta Lugo? No se.
Lulu es blonda, tiene kaveyos kurtos, tiene los ojos vedres i es muy simpatika.
Por la manyana estudia en la universita. Lulu estudia Psikologia en la universita.
Por la tadre, Lulu lavora en un bar ke ay serka del apartamento ande moramos.
Kreo ke Lulu es ermoza i muy intelijente, ama no parese espanyola: no es morena,
no tiene los ojos pretos i no tiene kaveyos largos.
Yo demando: Lulu, tu bailas flamenko?
Lulu dize: No, a mi no me plaze el flamenko. Yo no so del sur, yo so del norte de la Espanya.
Lulu es blonda, tiene kaveyos kurtos i no baila flamenko.
Kreo ke Lulu es ermoza i muy intelijente, ama no parese espanyola:
no es morena, no tiene los ojos pretos, no tiene kaveyos largos i no baila flamenko.
Tiene amigo Lulu? No se.
Fernando i Julio tambien son espanyoles, ama no son muy divertientes ni muy simpatikos.
Fernando i Julio tambien no paresen espanyoles: no son divertientes, no avlan muncho, no salen nunka de kaza,
no azen fiestas i estudian munchas oras en sus dormitorios.
Los dos estudian muncho.
Fernando estudia ekonomia i Julio estudia derecho.
Los dos keren lavorar en un banko i keren ganar muncho dinero.
Los dos son muy enfasiozos.
De ande son Fernando i Julio?
Fernando es de una sivdad ke se yama Zaragoza.
Julio es de una sivdad ke se yama Burgos.
Ande esta Zaragoza?
Ande esta Burgos?
No se.
Los dos son espanyoles, ama avlan muy presto.
Avlan poko ama kuando avlan, avlan muy presto.
Yo no entiendo a Fernando. Ni entiendo a Julio.
No entiendo ni a Fernando, ni a Julio kuando avlan kastilyano porke siempre avlan muy presto.
Salú Lulú - 4. Ande moras? - 26
Este livro es una traduksion djudeo-espanyola del livro orijinal de Hola Lola de Juan Fernandez. Reservados todos los derechos.